挑你個戰

花與淩已經搭入第二個階段的排練了。
高興看到同學陳焯威寫了一個屬於自己的作品，
更高興可以參與其中一起創作！！！

好！！客氣說話講完，都係用番自己既語氣寫呢個BLOG
我記得當知道導演搵我做呢個戲，我連故事都未知，做咩都未知
佢同我講三個星期就演出，心中不禁：你係唔係路呀，唔好再遲D！！
一問之下知道個戲有成個鐘更不禁：豈有此理，你得唔得呀！！
不過我係唔夠三秒鐘後係MSN打左：我可以做
當接下ENTER，我已經上左陳焯威條賊船，無得回頭！！

排到而家，圍讀個劇本，知道有一個奪命CALL TIME，開台位，改台詞，搵角色，一班人玩到好無聊，有時好嚴肅咁討論個戲！！
每晚十二點番到屋企，有個感覺愈來愈強烈，我真係上左一條大賊船！！

魚唔過塘唔大，困難更大，最後得到會更多，
年輕演員係需要多D磨練！！

雖然係好疲累，但我地做緊我地鐘意既野
憑住我行走江湖既七個字：0禁X，爛做，無詐形

花與淩，我挑你個戰！！！！！！！！！！！！

無名的士兵上